Hierdie vriendelike onbekende kruising is ‘n tefie van agt maande. Met haar oulike maniere soek sy ‘n huis waar sy omring kan word deur ‘n gesin wat haar met sorg kan bederf.
HEIDELBERG – Hierdie week het Heidelberg DBV drie prag-hondjies wat huise soek.
Om een aan te neem, betaal u ‘n aannemingsfooi wat sterilisasie of kastrasie asook die eerste inspuiting insluit.
Die DBV se kantore is in Retiefstraat agter Heidelberg Mall geleë en kan by 016 342 4114 geskakel word.
Met wakker ogies en ‘n goeie temperament is hierdie driejarige kruising geskik vir enige sorgsame huishouding. Sy is in goeie kondisie en sal ‘n goeie maat uitmaak vir oud en jonk. Met lang ore wat waai in die wind is sy nie net oulik nie, maar sal goeie geselskap wees vir enige gesin.
Ruffles is ‘n twee en half maande oue kolliehond reun met ‘n uitstekende temperament. Hy is dierbaar en liefdevol en hou daarvan om vertroetel te word. Hierdie kosbare gesiggie soek ook ‘n woonhuis van sy eie en wag op sy nuwe gesin.
