Berader gereed om slagoffers by te staan
Sy het drie jaar in Johannesburg by Sandton SAPD se trauma program, wat deel is van die trauma beradingspan en bestuursliggaam, as berader gewerk.
HEIDELBERG – Wanneer dit by berading kom, het Mariza Cronje weinig bekendstelling nodig.
Sy het drie jaar in Johannesburg by Sandton SAPD se trauma program, wat deel is van die trauma beradingspan en bestuursliggaam, as berader gewerk. Met hul verhuising na Heidelberg in Mei, het sy haar studies met ‘n BA honneurs (Hons) graad in teologiese studies en berading voltooi.
As voorslag berader het Heidelberg Gemeenskap Polisie Forum (GPF) haar onmiddellik opgeraap. Sy sal vanaf Januarie as traumaberader slagoffers van misdaad bystaan.
Sy vertel dat daar vir slagoffers van kontakmisdaad ‘n veilige plek by Heidelberg SAPD ingerig is.
Indien enige persoon van hierdie diens gebruik wil maak, kan hulle by Voortrekkerstraat 4 aanmeld, of skakel Heidelberg SAPD by 016 341 0361.
| Follow us on: | ||
 |
 |
|
