Die egpaar het het twee mandjies met die woorde: “Need one – take one; got one – give one” teen ‘n muur by hul woning op die hoek van HF Verwoerd en Van der Westhuizenstraat aangebring.

Enige persoon wat ‘n item daarin benodig, kan dit neem sonder om daarvoor te betaal.

Die doel van die mandjies is om behoeftiges in die gemeenskap daagliks met noodsaaklike items soos kos of komberse by te staan.

“Dit is ‘n omgee-projek en ons wil graag ‘n beroep op die gemeenskap doen om hierby betrokke te raak. Enige persoon wat iets wil skenk, kan dit in die mandjie plaas en enige persoon wat iets benodig, kan dit daar ontvang,” het Wialize gesê en ander inwoners aangemoedig om hul eie mandjie-projekte van stapel te stuur, sodat die projek kan groei.

Vir meer inligting, skakel Wialize by 0828501684.