Rowers wond afleweraar

’n Man wat besig was met aflewerings in Chris de Villiersstraat in die nywerheidsgebied is Woensdag, 27 November in die been gewond en van bykans R21 000 beroof.

Volgens polisiewoordvoerder kapt. Carla Prinsloo, het drie mans in ’n bakkie omstreeks 2nm skuins agter die afleweringsvoertuig parkeer, twee van die mans het uitgeklim en die man wat aflewerings gedoen het, in die regterbeen geskiet.

Die rowers het die kluis vol kontant wat in die afleweringsvoertuig was geneem en weggejaag. Die voertuig waarin die rowers gery het, is ’n halfuur later verlate in Wesselton gevind.

Enige inligting rakende die voorval kan aan ao. A.Z. Phiri by 017 819 2321 gegee word.