Annebel vier vyf jaar van omgee

Annebel, Ermelo het Saterdag hul vyfde verjaarsdag by die Volle Evangelie Kerk gevier.

Op dié dag, presies vyf jaar gelede, het hulle hul eerste vier maandpakkies uitgedeel.

Meer as ‘n 1000 pakkies later, sorg Annebel vandag dat 36 dogters die voorreg het om die mooi dinge van dogter-wees te leer en regte jong dames te word.

Tydens die geleentheid het van die dogters dank en waardering teenoor Annebel se “tannies” uitgespreek.

‘n Witstinkhoutboom is in die kerk se tuin geplant en sy skadu sal as monument dien vir die eerste vyf jaar wat die Here na hulle omgesien het.

Daarna is daar saam feesgevier en gekuier om tafels met wafels en ander lekkernye.

Die organiseerders, Saretha Ferns, Mandri Olivier en Lynn Roux, het ook die susters van die Volle Evangelie Kerk wat die projek dryf, bedank vir die verskil wat hulle in die laaste vyf jaar in die dogters se lewens gemaak het.