‘Juffrou Anna’ sterf
"Onderwys was in haar bloed en sy het daarmee volgehou totdat haar gesondheid begin afneem het."
Me. Anna de Beer, ‘n oudonderwyseres en beter bekend as “Juffrou Anna” is Sondag ná ‘n kort siekbed oorlede.
Talle Ermeloërs sal haar onthou vir die jare wat sy by Laerskool Ermelo vir gr. 1’s en die “hasieklas” skoolgehou het.
Anna de Beer is op 28 Mei 1939 op Hobhouse in die destydse Oranje-Vrystaat gebore waar sy ook later haar skoolloopbaan voltooi het. Ná haar studies by die OVS Onderwyskollege, het sy in 1959 begin skoolhou.
Sy het twee jaar lank in Marquard skoolgehou waarna sy by Laerskool Onverwacht op Kriel ‘n pos aanvaar het. Intussen het sy ook met verdere studies in 1978 haar diploma in onderwysbestuur voltooi.
In 1990 het sy by Laerskool Ermelo aangesluit waar sy in 2005 as departementshoof afgetree het met altesaam 45 jaar diens in die onderwys.
Ná haar aftrede het sy by skole afgelos en ook kinders kosteloos met remediriënde onderwys gehelp het.
“Onderwys was in haar bloed en sy het daarmee volgehou totdat haar gesondheid begin afneem het,” het haar seun, Pieter, gesê.
Benewens Pieter, word sy oorleef deur haar dogter, Ida Pretorius, kleinkinders Marissa, Heinrich, Anke en Stéfan, asook ‘n suster, Petro van Greunen.
‘n Verassingsdiens vind Vydag 26 Augustus om 10:00 by Ons Eie SAVF Ouetehuis op Carolina plaas.
