Ermelo se Nikki Maherry skilder met passie
Me. Maherry skilder met olieverf omdat die kleurpigment en lewensduur van die verf vir haar die kwaliteit van haar eindproduk bevorder.
ERMELO – Me. Nikki Maherry het reeds op ’n vroeë ouderdom haar liefde vir kuns ontdek.
Sy is in 1974 in Johannesburg gebore, waarna haar gesin na verskeie dorpe verhuis het voor hulle hulself in Ermelo gevestig het.
Sy het haar skoolloopbaan by Hoërskool Ermelo voltooi.
Dis ook hier waar haar liefde vir kuns ontwikkel het, nadat ’n groep leerders die skoolhoof oortuig het dat daar genoeg belangstelling in dié vak was.
Ná skool het me. Maherry by die Universiteit van Tshwane kuns studeer.
Kort nadat sy haar studies voltooi het, het sy haar familie se kunswinkel, Mega Paints, oorgeneem en bestuur.
Sy het vir sowat 10 jaar haar houtrame vir kunswerke vervaardig voor haar dogter, Ashley, gebore is.
Me. Maherry en haar man, Peter besit die restaurant 44 on Ennis wat hulle in haar eie kunsgalery omskep het.
Deur elke werk is haar liefde vir die natuur duidelik sigbaar.
Sy het vertel dat sy meestal landskappe en portrette skilder.
“Mense is almal so verskillend, almal het ’n storie om te vertel.”
Lees die volledige berig in die Hoëvelder.
