ERMELO – ’n Pretdraf sal op Saterdag, 27 November by die AGS Groeipunt-gemeente op die hoek van Fourie- en Sluiterstraat plaasvind.

Die 5km pretdraf sal om 08:00 afskop en inskrywingsgeld beloop R50 vir volwassenes en R30 vir kinders jongers as 12.

Daar sal ook ’n kompetisie wees tussen ’n rooispan en ’n witspan, so atlete kan hul span kies en volgens die kleur aantrek.

Elke atleet wat die roete voltooi sal ’n medalje ontvang.

Mnr. Rooies Strauss sal as gasspreker by die dag optree en Die Yskasmagnete sal sorg vir vermaak.

Stalletjies met eetgoed sal beskikbaar wees en ’n kinderspeelpark met toesig sal vermaak vir die kinders verseker.

Vir enige navrae kontak me. Linda Minaar by 072 926 0999.