Lede van VLU Talento Mulher-tak kom byeen
Me. Veronica Bisschoff wat aan stuur van dié tak staan, het die vroue toegespreek en verskeie belangrike sake is bespreek.
ERMELO – Die vroue van die Vroue Landbou-unie (VLU) se Talento Mulher-tak het op 8 Maart hul maandelikse vergadering aangebied.
Verskeie artikels van dié tak wat tydens die jaalikse konferensie plekke behaal het, is daar uitgestal.
Me. Veronica Bisschoff wat aan stuur van sake staan, het die vroue toegespreek en verskeie belangrike sake is bespreek.
Sy het elke lid wat plekke by die konferensie behaal het, gelukgewens.
Me. Sue Nell, me. Bisschoff, me. Junita van Rooyen, me. Amore Harmse en me. Elsabe Harmse het baie goed gevaar.
Me. Elsabe Harmse het ‘n derde plek op provinsiale vlak ontvang en het ook ‘n derde plek in die algehele wenner van die streek ontvang.
Op die puntestelsel was Talento Mulher algeheel vierde uit die agt takke.
Dié tak vier ook vanjaar hul 21ste bestaansjaar en sien uit na die jaar wat voorlê.
Indien enige persoon by hulle wil aansluit, kan hulle me. Elsa de Villiers, skakelbeampte van die tak, by 072 623 5889 kontak.
