ERMELO – Die VLU Talento Mulher-tak se vroue het besluit om hul harte teenoor die plaaslike kinderhuis oop te maak.

Hulle het onlangs komberse vir die huis oorgetrek en me. Elsa de Villiers sê dat hulle probeer om maandeliks iets spesiaal vir die kinders te doen.

Daar is ook onlangs vleisbroodjies en sosaties gemaak en verkoop om geld vir die tak in te samel.

Indien enigiemand belangstel om by die tak aan te sluit, kan hulle me. Veronica Bisschoff, die voorsitter by 083 367 6798 of me. De Villiers by 072 623 5889 skakel.