Die polisie ondersoek ’n moordsaak waarin ’n man op 27 Oktober in Wesselton, Uitbreiding 5 met ’n mes in die bors gesteek is.

Volgens kapt Carla Prinsloo, die woordvoerder van die Ermelo-polisie, het ‘n vrou en haar kêrel na bewering gestry toe haar broer tussenbeide probeer tree, en die kêrel met ’n mes in sy bors gesteek het.

“Die vrou het vervoer gereël om haar kêrel hospitaal toe te neem, maar hy is dood,” het Prinsloo gesê.

Die broer het homself in sy slaapkamer toegesluit en na bewering probeer selfmoord pleeg deur gif te drink.

Hy is tans in die hospitaal onder polisiebewaking.