ERMELO – Die Ermelo Gholfklub is onlangs deur ’n reeks inbrake by die klubhuis geteister.

Die laaste voorval was op 6 Januarie, toe die oortreders toegang tot die klubhuis verkry het deur twee vensters in die kroegarea oop te breek en die diefwering te beskadig. Hulle het alkohol uit die kroeg gesteel.

Volgens die bestuurder, Eddie Daniel, was die krag tydens die inbraak af, dus het die sekuriteitskameras nie gewerk nie.

Ten spyte daarvan het die klubhuis se alarm wel afgegaan.

Daniel het ’n volledige voorraadopname gedoen om die omvang van die diefstal te bepaal.

Tydens ’n besoek aan Daniel by die gholfklub, het hy gesê dat die klub gereeld deur inbrekers geteister word en dat die inbrake al groot skade by die klub aangerig het.

Hoëvelder het navrae aan kapt. Carla Prinsloo, woordvoerder vir die Ermelo-polisie, oor hierdie voorval en vorige inbrake by die klub, gestuur en wag vir terugvoer.

Lees die volledige berig in Hoëvelder.