ERMELO – Vir die afgelope vyf jaar samel Ligbron Akademie vir Tegnologie elke jaar produkte in om ander in die gemeenskap te help as deel van sy ‘Have a heart’-maand.

Vanjaar het Saretha Ferns voorgestel dat hulle die projek anders benader en die ligtoring gebruik wat vir die skool se jaarlikse tema, ‘Time to shine’, gebou is.

Haar idee was om ’n ligtoring met blikkieskos te bou.

Kort nadat die skool dié projek geloods het, het die leerders se ondersteuning Ferns se grootste verwagtinge oortref.

Tussen die honderde blikkieskos was daar ook bederfblikkies met ingelegte vrugte en iets soet om die ontvangers mee te bederf.

Bambonani Kleuterskool, CMR Lighthouse en Mooihawens is die begunstigdes van vanjaar se blikkieskosprojek.

Lees die volledige berig in Hoëvelder.