Ligbron Akademie vir Tegnologie het op 1 Maart as gasheer vir voorseisoen-proefwedstryde teen Hoërskool Piet Retief opgetree.

Die wedstryde is met deurlopende vervangings gespeel, wat beteken dat die uitslae as nieamptelik beskou word.

GALERY – Liggies en Piet Retief meet kragte in proefwedstryde

Die kragmetings het egter as waardevolle proewe gedien vir beide skole, wat die spelers die geleentheid gebied het om hul vorm te toets en spanne se vaardighede te slyp voor die seisoen afskop.

Alhoewel geen wenners amptelik aangewys is nie, was die vlak van die spel indrukwekkend, met albei skole wat sterk rugby opgelewer het.

Spelers het hul vaardighede ten toon gestel en waardevolle wedstrydtyd gekry, wat hulle goed vir die komende seisoen sal voorberei.