Die gemeenskap van Ermelo kry op Sondag, 13 April ’n uitsonderlike geleentheid om nie net die krag van die liggaam nie, maar ook die krag van geloof te ondervind.

Johan Els, ’n internasionaal erkende sterkman en tweemalige wenner van die titel Africa’s Strongest Man, besoek die Volle Evangelie Kerk te Ermelo, geleë by 60 Brummerstraat, om sy inspirerende geloofsreis met die publiek te deel.

Johan, oorspronklik van Christiana in die Noordwes-provinsie, is nie net bekend vir sy fisieke prestasies nie, maar ook vir sy nederige gees en onwrikbare geloof.

Ná ’n loopbaan wat hom tot op die wêreldverhoog geneem het – onder meer drie verskynings by die World’s Strongest Man-kompetisie, met ’n hoogtepunt van ’n sesde plek wêreldwyd in 2018 in Manila, Filippyne – gebruik Johan sy platform om ander aan te moedig en te versterk in hul geestelike pad.

Alle lede van die publiek is welkom.

Moenie hierdie kragtige en lewensveranderende geleentheid misloop nie!

Datum: Sondag, 13 April
Tyd: 10:00
Plek: Volle Evangelie Kerk, 60 Brummerstraat, Ermelo
Toegang: Gratis