Spar Superstars Eyethu Intshonalanga and Umlazi – 2026

UMandisa Mbanjwa ungumfundi waKwaGinga Primary School osebenza ngokuzikhandla ngaso sonke iskhathi. Siyisikole siyaziqhenya kakhulu ngengoba ehlala ekhiqiza umsebenzi omuhle noncomekayo.
Ube umfundi ophumelele ngamalengiso wabaququda amakhanda ngethemu eyedlule. Akagcini nje ngokuhlakanipha kuphela, uphinde adume ngokuba umntwana onothando, onakekelayo aphinde ahloniphe.
Ngaphandle kokwenza kahle ekilasini, uMbanjwa ungumholi wabafundi, uyanakekela abanye abafundi ngokubambisana noThisha aphinde agqugquzele ukuziphatha kahle kwabafundi esikoleni nokuzimisela emsebenzini wabo wesikole.
Ukusebenza kwakhe ngokuzikhandla, ukuthobeka, nokuzimisela kumenze wazuza ithuba eliyingqayizivele lokumela isikole sethu kulomncintiswano.
Asingabazi ukuthi uzoliphakamisa igama lesikole ngokuziqhenya. Halala Mandisa!

Isikole samabanga aphansi i-Madlakayise siqoke uNolwandle Makhanya njenge-SPAR Star salenyanga.
uNolwandle ngumfundi osebenza ngokuzikhandla futhi ozinikele emsebenzini wakhe wesikole. Lona kaMakhanya ungumholi ozimisele kakhulu esikoleni kanye nasemphakathini.
Yize ebhekene nezinselele eziningi emsebenzini wakhe, lomfundi ungubufakazi bokuthi ukuzimisela kanye nokuzinikela kuzala impumelelo.
Akagcini nje ngokusebenza ezingeni lesikole, umelela isikole ngokuziqhenya eSikhungweni, e-CMC, emazingeni esifunda, encintisana nezinye izikole eziningi futhi usavela phakathi kwezingcono kakhulu.
Aphinde abe ngumfundi oqala amaculo lana esikoleni ngezwi lakhe elimtoti. Njengenhloko yesikole, uhola ngokuthobeka, ukuzithoba kanye nokuba nozwelo. Uyisibonelo sangempela esikhuthaza abafundi abasebasha ukuba balwelele ukwenza kahle.

U-Aphiwe Mdluli ungumfundi ozikhandlayo nonekhono elihle, ofunda ibanga lesi-6 e-Inchanga Primary School. Usebekulesi sikole kusukela ku-Grade R futhi uhlale evelele emfundweni, kanti imiphumela yakhe iyamangalisa kakhulu.
Ungumfundi ozothile futhi ohlale ezithulele, ohloniphekile nothobekile, okhuthele futhi ozimele. njengomholi wabafundi eklilasini lakhe kanye ne-monitor yesikole, esiza ukugcina ukuhleleka ngesikhathi sekhefu.
U-Aphiwe uphinde asize kwezemidlalo futhi umele isikole emincintiswaneni yezifundo ngesibindi. U-Aphiwe uyisibonelo esihle sokuziphatha, ukuzinikela nobuholi, futhi ungumfundi onekusasa eliqhakazile.

UZiyanda Gwala intombazane encane eneminyaka engu 11. Ufunda ibanga 6. Ungumfundi ohloniphayo nobalalelayo othisha.
Ungumfundi ongafuni ukuhluleka kwezwemfundo njengoba enza kahle kuzo zonke izifundo zakhe.
Uyazimisela nalapho enikwe amaprojekthi aqiniseke ukuthi uyenze kahle futhi uyihambisa ngesikhathi ukuze azuze imiklomelo emihle
Uyi class prefect futhi uyabasiza abanye abafundi, unobungane nomoya omuhle kwabanye.