Vyf Bekker-rugbyspanne, vyf ligatitels in een seisoen
Bekker se vyf rugbyspanne het vanjaar hul onderskeie Groep Vier Goue Leeus Rugbyliga-titels ingepalm, ’n eerste in die skool se geskiedenis.
Hoërskool Bekker het geskiedenis gemaak nadat al vyf sy rugbyspanne vanjaar Groep Vier Goue Leeus Rugbyliga-kampioene geword het.
Die o14-, o15-, o16-, tweede span (Die Slaghuis) en eerste span (Die Mambas) het almal hul onderskeie ligas gewen.
• Lees ook: KHS girls lead the charge in women’s sport
Volgens bemarkingshoof Menique Papp is dit die eerste keer in die skool se geskiedenis dat al vyf spanne in dieselfde seisoen kampioene is.
• Lees ook: Monnas se hokkieseuns wen derde Noordvaal-titel
Die Slaghuis het vroeër vanjaar hul liga gewen, terwyl die ander vier spanne op 25 Julie hul liga-beslissende wedstryde gewen het. Bekker was ook die kleinste skool in die Groep Vier-liga.
Papp het afgesluit deur te sê dat die o14-, o15- en eerste spanne op 8 Augustus aan die Noordvaalbeker se semifinaal deelgeneem het, maar daar uitgeskakel is.
