Hoera vir Monnas-hokkie
17 van Monnas se hokkiebokkies haal die Suid-Gautengspan en twee die Gauteng-span.
Monnas se dogtershokkie is weereens vanjaar aan die brand en lewer monumentale uitslae.
Die skool spog met ses spanne wat hierdie seisoen as ligawenners aangewys is, asook twee spanne wat naaswenners was.
Dit beteken dat al Monnas se hokkiespanne steeds in die wedloop is om in die Noordvaal-finale deel te neem.
Sewentien spelers het ook die Suid-Gautengspan gehaal terwyl twee ander spelers vir die Gauteng-span gekies is.
Die Suid-Gauteng-spanspelers is Larischa Botes, Laura-Mae Esterhuizen, Sjamel Lingenfelder, Veronique Esterhuizen, Jana van Rooyen, Sharon Manhice, Letabo Nkoe, Kutlwano May, Raquel McCarthy, Kaylee Harwood, Zilcha Welgemoed, Sandra van Rooyen, Celine da Silva, Mare-Mischa Gibbens, Racquel da Silva, Berne-She Swanepoel en Gaby Terblanche.
Sharon en Kutlwano het die Gauteng-span gehaal.
“Ons is baie trots op die hokkiedogters,” het Monnas se bemarkingskakel, Eben Vermaas gesê.
Soortegelyk artikels:
•Monnas rugby sorg vir nog ‘n Tuks Skole oorwinning
•Monnas klop op sport- en kultuurgebiede
