Seniors jeuk om jukskeiwisseltrofee in te palm
Verskeie tehuise ding mee vir die gesogte jukskeiwisseltrofee.
Inwoners van verskeie tehuise vir bejaardes in die dorp is hard aan die oefen om aan ‘n maandelikse vriendskaplike jukskeitoernooi deel te neem.
Wat is op die spel? Die wisseltrofee vir die beste jukskeispan natuurlik!
Inwoners van die Luipaardsvlei-, Emmanuel- en Moria-tehuis asook lede van die Krugersdorpse Raad vir die Versorging van Bejaardes kom een maal per maand bymekaar om op die jukskeibaan vir die gesogte titel mee te ding.
Elke tehuis het sy eie unieke sportdrag vir die toernooi en die Luipaardsvlei-jukskeispelers word uitgeken aan hul asemrowende lemmetjiegroen-en-blou hemde.
Die sekretaris vir die toernooi, Johan Rossouw het onlangs vir ‘n paar bejaardes die fyner kunsies van jukskei geleer.
“Ons sien verskriklik daarna om vir die wisseltrofee te speel,” het Amy de Bruin van die Luipaardsvlei-tehuis gesê.
Soortgelyke artikels:
• Luipaardsvlei Tehuis talent kompetisie
•Plaatkoekies vir die bejaardes van Luipaardsvlei
