Heerlike lente by Nories
Terwyl ‘n groot groep leerlinge net oë vir Stiaan Smith en Bennie Fourie gehad het, het ander hulle aan die fyner Amalia Uys verkyk.
Dit het Woensdag, 21 September omtrent by Hoërskool Noordheuwel gegons toe sterre van die nuwe Afrikaanse rolprent Sy klink soos lente die skool besoek het.
Die leerlinge was verras toe die groepie sterre tydens die skool se vierkantopening hul verskyning gemaak het.
Terwyl ‘n groot groep leerlinge net oë vir Stiaan Smith en Bennie Fourie gehad het, het ander hulle aan die fyner Amalia Uys verkyk. Ander leerlinge het weer Bouwer Bosch se musiektalent bewonder.
Leerlinge het selfies geneem asof dit uit die mode gaan terwyl ander ‘n geselsie met die sterre aangeknoop het.
Die rolprent is ‘n Afrikaanse romantiese komedie wat die verhaal vertel van ‘n selfvoldane werktuigkundige genaamd Ben (Stiaan Smith) en ‘n meisie wat hy in ‘n kroeg ontmoet het.
Die meisie, Linda (Amalia Uys), se pa is Ben se werkgewer. Maar aangesien Linda uit sy liga is, lieg hy tydens hul gesprek in die kroeg en sê hy is hoofsanger van ‘n band.
Hy moet ‘n band begin om sy leuens te staaf, maar kort voor lank begin die vonke spat.
Die verhaal handel oor die herontdekking van passie, asook hoe om uit te vind wat dit beteken om goed genoeg te wees.
Sy klink soos lente begin op 30 September in teaters landswyd draai.
Lees ook:
Nories head girl in critical condition after collision
Groot opwinding vir fliek liefhebbers!
Wen ‘n ‘Hollywood in my Huis’ DVD
