Akademia hou opedag in Krugersdorp
Voornemende studente van die Krugersdorp-omgewing word uitgenooi om die opedag by te woon.
Akademia hou in Julie en Augustus opedae by die meeste van sy studiesentrums, sodat studente landwyd meer inligting oor kursusse kan bekom en daar aansoek kan doen vir studies in 2018.
Op 18 Augustus kan voornemende studente van die Krugersdorp-omgewing die opedag by die NG Krugersdorp-Oos Gemeente by Lismorestraat 20, Kenmare, bywoon.
By die opedae sal studente meer inligting oor Akademia se verskillende programme en die beskikbare beurse en rentevrye studielenings kry, asook hulp met aanlyn aansoeke. Besoek die webblad www.akademia.ac.za om vir ‘n opedag te registreer.
Akademia is ‘n gemeenskapsinstelling wat gehalte-onderrig in Afrikaans bied. Stuur jou loopbaan in die regte rigting deur vir een van hul grade, gevorderde diplomas of hoër sertifikate in te skryf:
• BCom (Ondernemingsbestuur)
• BCom (Bestuursrekeningkunde)
• BCom (Ekonomie en Regte)
• BCom (Finansiële Beplanning)
• Gevorderde Diploma in Projekbestuur
• Hoër Sertifikaat in Rekeningkunde
• Hoër Sertifikaat in Kantooradministrasie
Vir navrae, kontak Akademia by 0861 222 888, e-pos na navrae@akademia.a.c.za of SMS ons by 34933 (R2 per SMS).
Het jy dalk meer inligting rakende dié storie? Stuur gerus vir ons ‘n e-pos na krugersdorpnews@caxton.co.za of skakel ons by 011 955 1130.
Vir daaglikse gratis gemeenskapsnuus aan die Wes-Rand, besoek ook ons susterwebtuistes:
Besoek ook ons Facebook, Twitter en Instagram blaaie om jou stem te laat tel!
