Ebies laat waai met La’t Wiel Fees
Van enorme glybane en kameelritte tot arena-agtige springkastele en mistieke skuimhoekies – dié dag het verseker dat elke opgewonde kind lekker kon baljaar.
Laerskool Ebenhaeser (Ebies) het onlangs laat waai met hul welbekende La’t Wiel Fees wat oor die jare ‘n gesogte geleentheid geword het.
Talle inwoners teken dié fees sommer maande voor die tyd op hul kalender aan weens die groot verskeidenheid prettige aktiwiteite wat vir die hele gesin daar aangebied word. Vanjaar was geen uitsondering nie toe die gemeenskap verwelkom is met lekker weer, verskeie stalletjies en smullekker eetgoed.
Van enorme glybane en kameelritte tot arena-agtige springkastele en mistieke skuimhoekies – dié dag het verseker dat elke opgewonde kind lekker kon baljaar.
Vir die ouers was daar goeie vermaak. Die bekende sangeres, Elizma Theron het van haar bekendste treffers gesing. Ander kunstenaars het ingesluit Riana Taljaard, Linda Killian, Priscilla Smith, Michael Tushki, Johan de Klerk, Karin Bekker, Maryna Booysen, Heino Robberts en Ivan van den Heever.
Daar was selfs ‘n Mnr en Mej La’t Wiel-kompetisie, asook uitstallings van motors, motorfietse en modelvliegtuie.
Daar kan met reg gesê word dat vanjaar se fees weereens ‘n groot sukses was, danksy die lojale ondersteuning van die gemeenskap.
Ebies gebruik daarom die geleentheid om elke persoon te bedank wat bygedra het tot die sukses van een van hul grootste funksies van die jaar.
Het jy dalk meer inligting rakende dié storie? Stuur gerus vir ons ‘n e-pos na krugersdorpnews@caxton.co.za of skakel ons by 011 955 1130.
Vir daaglikse gratis gemeenskapsnuus aan die Wes-Rand, besoek ook ons susterwebtuistes:
Besoek ook ons Facebook, Twitter en Instagram blaaie om jou stem te laat tel!
