Nullies vaar puik by redenaarskompetisie
Volgens Graad R-juffrou, Paula van der Merwe kon deelnemers kies om oor onderwerpe soos 'Miere' en 'Druppels' te gesels.
Dames en here, dit is met groot trots dat Laerskool Mulderdrift (Mullies) die uitmuntende prestasies van drie van hul Nullies Kleuterskool Graad R-leerders bekend maak.
Op Vrydag, 16 Maart het dié drie maats aan die jaarlikse ATKV Pikkie-redenaarskompetisie by Laerskool Protearif deelgeneem. Daar het talle Graad R’e die geleentheid gekry om hul menings en perspektiewe aan die gehoor oor te dra.
Volgens Graad R-onderwyser, Paula van der Merwe kon deelnemers onder andere kies tussen onderwerpe soos ‘Miere’ en ‘Druppels’.
Mullies is trots op Mieke van der Merwe wat ‘n eerste plek behaal het, Kiara Rossouw wat ‘n tweede plek behaal het, asook Markus Beyers wat ‘n derde plek losgepraat het.
“Hulle het ongelooflik hard gewerk vir dit wat hulle bereik het. Ons is baie trots op hulle en glo dat hulle dit self vreeslik geniet het. Ons is ook opgewonde om te sien wat hulle als in toekoms gaan bereik,” het Paula vertel.
Het jy dalk meer inligting rakende dié storie? Stuur gerus vir ons ‘n e-pos na krugersdorpnews@caxton.co.za of skakel ons by 011 955 1130.
Vir daaglikse gratis gemeenskapsnuus aan die Wes-Rand, besoek ook ons susterwebtuistes:
Besoek ook ons Facebook, Twitter en Instagram blaaie om jou stem te laat tel!
