Opwindende boeremark om die draai

Die Afrikaanse Protestanse Kerk hou kermis en hulle nooi die hele gemeenskap om saam hul fees te vier.

Die Boeremark sal op Saterdag, 26 November by die kerk te 855 Corlettlaan, Witpoortjie plaasvind.

Bywoners kan uitsien na ‘n verskeidenheid vars produkte, ‘n koektafel, springmielies, boereworsrolle, hamburgers asook tuisgemaakte konfyte en handgemaakte produkte. Daar sal ook natuurlik vir die jonger generasie voorsiening gemaak word.

Die geleentheid sal na verwagting om 09:00 afskop.

Indien jy daarin belangstel om ‘n stalletjie te beman op die dag, of as jy meer wil weet oor die geleentheid, skakel gerus vir Martin Rossouw op 082 720 8662.