Bastion wen naelbytstryd teen Allen Glen
Met rotsvaste verdediging en vasberadenheid het Bastion se Buffels naelskraap vir Allen Glen geklop.
Op Saterdag, 10 Mei, het Hoërskool Bastion (The Buffels) Hoërskool Allen Glen in ‘n opwindende rugbywedstryd op hul tuisveld die stryd aangesê.
• Also read: Bastion and Eye of the Tiger go head to head
Die Buffels se bemarker, Florinda Hearn, het gesê die wedstryd was van die begin af taai en fisiek met albei eerste spanne wat goeie verdediging en vasberadenheid getoon het. Bastion het uiteindelik as wenners uit die stryd getree met ‘n telling van 12–7.
“Thoriso Yumba, Bastion se losskakel, het besonder goed gevaar en was gedurig betrokke op die aanval. Hy het selfs sewe van sy span se 12 punte aangeteken.
Ondanks die intense spel het beide spanne deurgaans goeie sportmanskap gehandhaaf. Dit was naelskraap maar die Buffels het ‘n oorwinning deurgetrek.”
Sy het afgesluit deur te sê dat die oorwinning ‘n sterk aanduiding was van Bastion se voornemens vir die res van die liga-seisoen.
