Volgens Liesel Roos, sekretaresse van Letaba-tak vorm hulle deel van die Bosveld Jagters- en Wildbewaringsvereniging wat meer as 3000 lede in sewe takke het.

Die skietbaan op die Agathapad is waar daar maandeliks skietdae aangebied en saam gekuier word, vertel Liesel.

“Ons bied ons jaarlikse groepering-skietdag in Oktober aan waar onder meer jaggewere gewen kan word,” vertel Liesel.

“Die jaar het ons die kompetisie in die vorm van ‘n rondomtalie aangebied waar die eerste prys (ook ‘n jaggeweer) deur die mees veelsydigste skut van die dag gewen kon word.

“Die volgende rondomtalie-skietdag word volgende jaar in April aangebied.”

Lees ook: Limpopo to host national netball competition

Die afgelope twee maande het 23 lede hul toegewyde jagterstatus en CHASA- bekwaamheid-kwalifikasies suksesvol voltooi.

Inwoners wat graag vuurwapen-en veiligheidopleiding wil ondergaan, kan Bryan Hyland, hoofbaanoffisier kontak (sien kantoornommer onderaan).

Skietdissiplines wat aangebied word is jaggewere (slenterslag), 22-gewere (randslag), handwapens (pistole en rewolwers), haelgewere (kleiduifskiet), windbukse en boogskiet.

Die BJV se skietbaan is Maandae tot Vrydae oop van 8:00 tot 16:00 en Saterdae van 09:00 tot 12:00 vir mense wat graag wil oefen.

Lees ook: TZANEEN: DA to hold community meeting to address service delivery

Lede kan gratis oefen terwyl nie-lede R60 toegang betaal.

Lidmaatskap beloop R740 per jaar vir ‘n enkel volwasse persoon en R990 vir gesinne.

Hulle volgende skietdag vind op 13 Februarie volgende jaar plaas.

“Omdat ons ‘n familie-georiënteerd is, is veiligheid op die skietbaan baie belangrik. Ons glo daaraan om kinders van jonks af vuurwapenveiligheid en –hantering te leer,” sê Liesel.

“Indien daar vroue is wat belangstel om meer te leer, is hulle ook welkom.”

Vir meer inligting rondom opleiding en lidmaatskap, skakel Liesel by 071 871 4710 (kantoornommer).