Dian Nel (10 maande), het verlede Dinsdag, 21 Mei erge brandwonde opgedoen, nadat sy bababed vlam gevat het in hulle huis op Letsitele.

Dian is nog opgeneem in die Mankweng hospitaal in Polokwane, maar volgens sy ouers behoort hy teen die naweek ontslaan te word om by die huis aan te sterk.

Lees: Letsitele: ‘Boetie brand’ – seuntjie stabiel nadat bababed vlam vat

Sedert Letaba Herald die artikel op sosiale media gepubliseer het, het Tzaneen en Letsitele se inwoners en verskeie motorfietklubs hulle harte en beursies oopgemaak en donasies het ingestroom.

Die Herald se kantoor is oorval met oproepe van sover as Gauteng om die familie by te staan.

Dian se ouers, Michelle Cloete en JJ Nel het Letaba Herald vanoggend, 30 Mei besoek om van die donasies deur skenkers wat verkies om annoniem te bly te kom afhaal.

Van die skenkings is reeds verlede week deur weldoeners na die Mankweng Hospitaal geneem.

‘n Babbabed en nog kontant skenkings  blyk in die vooruitsig te wees.

Die Herald verneem verder dat Dian se storie wye nasionale media aandag geniet, nadat ons publikasie die gesin se pleidooi gebreek het.

Vir enige skenkings of navrae: Epos: bertus@herald.co.za

Volledige artikel in die week se uitgawe van Letaba Herald.