Atlete maak Merensky trots
Die Frikkie Deysel-atletiekbyeenkoms het op Vrydag 6 Februarie by Merensky Landbou Akademie plaasgevind.
TZANEEN – Die Frikkie Deysel-atletiekbyeenkoms, een van die gewildste jaarlikse byeenkomste waar van Limpopo se topatletiekskole mekaar die stryd aansê, het op Vrydag 6 Februarie by Merensky Landbou Akademie plaasgevind.
Die dag is gekenmerk deur geesdrif, sterk kompetisie en uitmuntende prestasies. Die deelnemende skole was die Plasies, Hoërskool Louis Trichardt, Hoërskool Piet Potgieter, HTS Tom Naudé en Stanford Lake College.
Punte aan die einde van die dag:
Meisies
Merensky Landbou Akademie – 627
Hoërskool Louis Trichardt – 497
Hoërskool Piet Potgieter – 456
Seuns
Merensky Landbou Akademie – 543
HTS Tom Naudé – 440
Hoërskool Louis Trichardt – 434
Merensky Landbou Akademie is as wenners van die byeenkoms gekroon, met HS Louis Trichardt in die tweede plek.
Individuele top-prestasies:
- Junior victrix ludorum: Kylie van Eeden (Merensky). Kylie het hierdie beker verower met haar prestasies in die 100m-, 90m- en 300m-hekkies.
- Junior victor ludorum: Temi Jegede (Hoërskool Louis Trichardt).
- Senior victrix ludorum: Chrizette Odendaal (Hoërskool Louis Trichardt).
- Senior victor ludorum: Mafunwa Maliavusa (Hoërskool Louis Trichardt).
Merensky het deur die dag 47 goue -, 45 silwer- en 40 bronsmedaljes ingepalm.
Die volgende byeenkoms waarna atletiekliefhebbers kan uitsien is die jaarlikse interhoër op Vrydag, 20 Februarie, ook by Merensky.
Die deelnemende skole is die Plasies, Hoërskool Eric Louw, HTS Tom Naudé, Pieterburg Hoërskool, Northern Academy, Hoërskool Louis Trichardt, Curro Heuwelkruin en Hoërskool Frans du Toit.
