Die spoggeleentheid was weereens die vertoonvenster vir talent, senuwees van staal, dissipline en kameraderie.

Vossies wat deel kon uitmaak van die prestigegeleentheid, het Limpopo verteenwoordig in die o/14-, o/16- en o/21- ouderdomsgroepe en het in die drieposisies- en 10m-Olimpiesestaan-kategorieë deelgeneem. Mianel du Plooy was ook hierdie jaar in die SA span wat in Engeland in Bisley deel te neem.

Lees ook: Die twee spanne druk altesaam sewe drieë tydens die wedstryd

Sy neem deel aan die o/21-kategorie en Schalk van Niekerk, Rikus de Kock en Marnu Duvenhage in die o/16- kategorie en Louisa de Beer en Marné Coetzee in die o/14- kategorie. Hulle het met skerpskutter deursettingsvermoë ‘n barshou geskiet. Rikus de Kock het sy persoonlike beste tellings geskiet en in spanverband het die Limpopo o/16-span met die goue louere weggestap vir drieposisie.

Die Limpopo o/21-span het gewen in die algehele kompetisie. Die Vossies se uitslae: Mianel du Plooy (1427 punte en 89,1%) Schalk van Niekerk (1412 punte en 88,2%) Rikus de Kock (1392 punte en 87%) Marnu Duvenhage (1333 punte en 83%) Louisa de Beer(1324 punte en 82,7%) Marné Coetzee (1313 punte en 82,0%)