Letaba veg terug in tweede helfte
Die manne van Letabarugbyklub het Saterdag in vriendskaplike wedstryde kragte gemeet teen Kruinies by die departement van sport, kuns en kultuur se Mapungubwe-rugbydag.
‘n Paar spelers van Phalaborwa het vir Letaba uitgedraf by dié dag wat in Polokwane by HTS Tom Naudé aangebied is. Letaba se eerste span het gesukkel om hulle ritme te vind in die eerste helfte met Kruinies wat 23-0 voorgeloop het.
Die span het egter in die tweede helfte teruggeveg en het 21 punte op die telbord gesit sonder om punte af te staan. Theo Mare, John Moape en Jaco Massyn het elkeen ‘n drie gedruk en Giepie Labuschagne het met twee strafskoppe geslaag.
Lees ook: Tzaneeners gekies vir Limpopo-veerpyltjiespan
Kruinies wen die wedstryd 23-21. Die tweede span moes ook die knie buig teen Kruinies met 19-5 as eindtelling. Justin Brass het vir die tweedes ‘n drie gedruk. Letaba se eerste span sal weer die naweek in aksie wees in vriendskaplike wedstryde by Noordelikes-rugbyklub se Henso Coetzee-rugbydag.
Hulle sal Saterdagaand om 18:00 speel. Om saam met Letabarugbyklub te oefen of vir meer besonderhede skakel die klub se voorsitter, Bennie Kruger by 083 635 1731, Dippies de Beer by 078 538 3508 of Carel O’Neill by 079 693 2292.
