Groot makietie by Mooketsi MTB die naweek
Bergfietsryers en feesgangers kan uitsien na ‘n groot makietie in die Koedoesvallei met die Mooketsibergfietsuitdaging wat hierdie Saterdag plaasvind.
Die dag se wedrenne sluit 70km-, 50km-, 35km- en 15km-afstande in wat van 07:00 tot 07:45 sal wegspring. Fietsryers kan hul vaardighede op die fiets oor ‘n 214m-brug oor ‘n dam toets en ook asemrowende uitsigte van die natuurskoon in die Koedoesvallei geniet. Vanjaar is daar ook ‘n 5kmpretdraf om 08:05 vir diegene wat nie fietsry nie.
Die dag beloof om pret vir die hele familie te wees met ‘n kindervermaakarea, swembad, koelte, kos- en drankstalletjies by Keerom Lodge, voorheen bekend as APC-kamp. Daar word ook ‘n fondsinsameling gehou ten bate van Tamatieland-kleuterskool met ‘n potjiekoskompetisie.
Lees ook: ZZ2 Mooketsi MTB in pictures
Die seremoniemeester is Matie van Graan en ‘n boeredans of sokkie word vir die aand beplan. Die bergfietswedrenne is Limpopo-kwalifiseerders en is deur Cycling SA onderskryf.
Gaan na www.mooketsimtb. co.za om in te skryf of skakel Joanell by 015 395 8548 of info@mooketsimtb.co.za vir meer besonderhede. Skakel Chantelle by 084 398 5963 vir stalletjies, die boeredans en die potjiekoskompetisie.
