Die sogenaamde Hansieweek, wat deur die Hoërskool Hans Strijdom te Naboomspruit aangebied is, het soos gewoonlik goeie kompetisie vir die Vossies gebied. Die O/14-, O/15 A- en B-, O/16A- en tweedespanne het aan die toernooi deelgeneem.
Die spanne het altesaam 11 van hulle 15 wedstryde gewen.
Die O/14A-span het teen Swartkop verloor 5-51 maar het Hoogenhout 36-14 en Midstream 24-12 gewen.
Die O/15A’s het al hul wedstryde gewen. Hulle tellings was 26-7 teen Hugenote, 31-0 teen PHS en 41-12 teen Oos Moot.
Die O/15B’s het al hulle wedstryde teen A-spanne gespeel. Hulle het teen Wolmaranstad verloor 19-40 maar het Carltonville 70-7 en Hoogenhout 20-15 gewen.
Die O/16A’s het met Ligbron 21-7, Hugenote 50-10 en Heidelberg Volkskool 17-7 afgereken.
Die tweedespan het twee wedstryde gewen en een verloor. Hulle het 5-19 teen Hugenote verloor en Oos Moot 12-10 en Hans Strijdom 19-0 gewen.
Die Vossies se eerstespan het aan die King Edward School se rugbyfees te Johannesburg deelgeneem. Hulle het in ‘n spanningsvolle wedstryd teen Waterkloof 24-38 verloor, maar het oorwinnings behaal oor twee gerekende rugbyspanne: Kingswoods College en Jeppe Boys High. Die Vossies het Kingswood 25-10 en Jeppe Boys High 19-13 gewen.
