Twee mans in ’n rooi ou tipe Toyota Corolla het vanoggend weggejaag nadat hulle gekonfronteer is omdat hulle honde steel.

Mnr. Hendrik Mostert sê dat hy netnou deur sy huishulp gewaarsku is dat iemand hul hondjie, ’n minatuur pekinees, probeer steel het.

Hy vermoed hulle het die hondjie weer neergesit, omdat hy baie aggressief is, want die hondjie het weer huistoe gekom.

Mnr. Mostert het in sy kar gespring en in die rigting gery waar sy tuinwerker die voertuig sien opbeweeg het in Totiusstraat (Gholfsig).

By ’n stopstraat naby die substasie, het hy die voertuig sien staan. Die passasier het uitgeklim en geloop tot by die heining waar die persoon deur die heining geloer het in die huis se rigting.

Mnr. Mostert het nader gery om die mans te konfronteer. Die oomblik toe hy uitklim, het hy gesien dat daar nog drie hondjies, twee foksterriërs en ’n doberman pinscher, in die voertuig is.

Die booswigte het die drie hondjies by die deure uitgegooi en weggejaag in die rigting van Mhluzi. Mnr. Mostert het gekyk vir ’n registrasienommer, maar die voertuig het nie nommerplate gehad nie.

Die hondjies het in alle rigtings weggehardloop.

Hy het gemeld dat hy die polisie gebel en ook op die Middelburg 911/GPF groep laat weet het dat hulle op die uitkyk moet wees vir die voertuig.

“Ek vermoed hulle steel die honde, sodat die ‘geraas’ weg sal wees as hulle wil toeslaan op ons huise oor die Paasnaweek! Ek vra dat almal net sal dophou. Dalk is dit ’n nuwe tendens onder diewe