Die woonbuurte is sedert 02:00 Donderdagoggend sonder elektrisiteit.

Die Steve Tshwete Munisipaliteit het bevestig dat die 88kV oliegevulde kabel wat deur die Kanonkop woonbuurt loop, erg beskadig is en dalk op twee plekke gelas moet word.

Daar word tans gewag op CBI Electric uit Johannesburg om die kabel te herstel.

Plek-plek is elektrisiteit van die Meyersbrug substasie na enkele huise in Kanonkop herlei, maar dit is ook net tydelik.

’n Ingeligte binne die munisipaliteit het bevestig dat die probleem ernstig is. “Herstelwerk kan tot drie dae neem en ons voorsien geensins ’n vinnige oplossing vir die probleem nie”.

•Intussen wurg die dorp in ’n erge hittegolf met yskaste wat afloop, vleis wat vrot word en daar is woede soos die temperature opgaan en die krag af is.