Hy was op 17 Junie in ‘n motorfietsongeluk betrokke en is in die Middelburg Hospitaal opgeneem met ‘n ernstige oop bobeenbreuk (femur) en daar was geen hoop dat hy gou geopereer sou word nie. Witbank Hospitaal is die enigste wat tans ortopediese operasies doen en hulle het ‘n geweldige lang waglys. In Middelburg alleen is daar 250 pasiënte wat wag vir sulke operasies.

Johan se familie en vriende het net begin hoop opgee dat hy gou geopereer sou word, toe me. Elbie Cullinan, ‘n noodkreet uitgestuur het. Sy was bang Johan verloor sy been, omdat hy ook infeksie gehad het.

Mnr. Nico Pretorius (Ambulans noodsorg assistent van LifeMed Ambulansdienste, Groblersdal) het dit gehoor en beide me. Cullinan en die Observer gekontak.

Hy het prokureurs wat betrokke is by die padongelukkefonds-eise genader.

Johan is Vrydag oorgeplaas na die Sunshine Privaathospitaal (Benoni), waar ‘n pen Maandag in sy been gesit is. Hy het Woensdag ‘n bloedoortapping gekry, omdat hy baie bloed tydens die operasie verloor het.

• Daar is vir hom gesê dat hy teen Donderdag na ‘n gewone saal oorgeplaas sou word.

• Johan en sy gesin wil graag almal bedank wat bygedra het tot sy oorplasing en hom nou ondersteun.