Dit is die vrae wat sy suster, Elna Jansen van Nieuwenhuizen (wat verbonde is aan die Metro Polisie in Gauteng) en ander familielede sedert Saterdagaand vra.

Mnr. Jacobs het agter in ‘n stilstaande voertuig ingery op die hoek van Cowen Ntuli- en Meyerstraat. ‘n Vrou het op die toneel gesterf.

‘n Blok verder, in Jeppestraat, het hy in ‘n gebou vasgery.

Volgens me. Janse van Nieuwenhuizen het mnr. Jacobs Vrydag vanaf Pretoria na Middelburg gery, om by sy dogter hier te kom kuier. Hy was wel die oggend by haar en sou die middag terugkeer, maar het nooit opgedaag nie.

Die volgende inligting wat die familie ontvang het, is dat hy die aand in ‘n ongeluk was en gearresteer is.

“By wie was Piet gewees of waar was hy voor die ongeluk gebeur het? Ons weet nie wie sy vriende is nie!”

Sy het haar simpatie betuig met die familie met die afsterwe van die vrou.

• Mnr. Jacobs was ‘n welbekende oud-polisieman van Middelburg en, volgens me. Janse van Nieuwenhuizen, was hy “in 2001 een van die laaste lede van Koevoet wat teruggekom het.”

In 2003 was hy in ‘n ernstige motorongeluk waarin hy breinbeserings opgedoen het en moet sedertdien medikasie gebruik. In die ongeluk het ‘n pa en twee kinders gesterf.

• ‘n Berig oor die ongeluk en die polisie se kommentaar verskyn elders.

Lees meer stories hier:

Update: Written warning for sleeping police

Send a message to our SMS line 37 940 or add us onto Facebook and Twitter @Mobserv to receive your free daily news updates.

Also check out our Video’s on Youtube daily!