’n Hoop bande wat teen die grensmuur van die erf gestaan het, was aan die brand.

Niemand kon verstaan hoekom mense wat naby die vuur verbyloop so vreeslik met hul arms waai nie.

Nes hulle naby genoeg gekom het om die vuur met ’n dun straaltjie water uit ’n tuinslang by te kom, het hulle al waaiend die hasepad gekies.

Met die brandweer se aankoms is die vuur blitsvinnig geblus.

Een van die inwoners op die erf, wat nie sy naam genoem wou hê nie, het gesê dat tuinwerkers probeer het om ’n swerm bye, wat in die bande nes gemaak het, uit te rook.

In die proses het die bande aan die brand geslaan. Die swerm bye het woedend om hul vernietigde huis gevlieg en enige iemand wat dit te naby gewaag het, aan die brand gesteek.