Die Rooies spog met drié medaljes in hierdie kompeterende reeks: gholf behaal goud, netbal verwerf silwer en tennis palm ‘n brons medalje in!

Die Rooies se kleinsportsoorte het ook hul merk gemaak: muurbal behaal ‘n vyfde plek, die skaak ‘n vierde plek en landloop eindig in die agtste posisie.

Met die finale netbal-, tennis- en gholfwedstryde agter die rug, het die Rooies se rugby- en hokkiespanne húl finale kragmetings op Vrydag en Saterdag by die LC de Villiers-sportterrein gespeel. !

Die Rooi Bulle wen hul kragmeting teen Rustenburg met ‘n telling van 25-19. Die o/15A-span buig die knie in ‘n naelbytwedstryd teen Florida met 26-27.

Die finale uitslag van die TUKS-Reeks is soos volg met HTS Middelburg se tellings eerste:

• Uitslae (HTS Middelburg se tellings eerste):

Rugby:

o/14A: 0-26 vs Eldoraigne

o/15A: 26-27 teen Florida

o/16A: 12-33 teen EG Jansen

Eerste span: 25-19 teen Rustenburg. Puntemakers: Drieë: Japie Kleynhans (2), Zander Joubert, Duart Willemse. Doelskop: Riekert Barnard. Strafskop: Barnard.

Dogtershokkie:

o/14A: 2-1 teen Transvalia. Eindig algeheel sewende.

o/15A: 1-4 teen Monument. Eindig agtste.

o/16A: 2-0 teen Centurion. Eindig 13de.

Eerste span: 3-0 teen Eldoraigne. Eindig sewende.

Seunshokkie:

o/14A: 1-5 teen Eldoraigne. Eindig sesde.

o/16A: 5-0 teen Monument. Eindig vyfde

o/16B: 0-3 teen Menlopark. Eindig tweede

Eerste span: 2-1 teen Pietersburg. Eindig sewende.