“Love them back to life” is die Oorwinnaars se leuse as dit kom by die snelgroeiende dwelmprobleem onder Middelburg se jongmense.

Hierdie groep, wat bestaan uit ‘n span hardwerkende vrywilligers, offer hul eie tyd op en steun absoluut op die publiek vir geldelike hulp om jongmense te ondersteun en te help met die lang pad na rehabilitasie.

‘n Pad wat nie sonder spoedwalle is nie, maar een waar, as die Oorwinnaars jou hand gevat het, hulle dit nie sommer weer sal los nie.

Belangstellende gholfspelers word uitgenooi om aan die Oorwinnaars Gholfdag op Vrydag 1 Julie deel te neem. Die dag sal in ‘n “two-ball better ball scramble drive” formaat gespeel word en die eerste spelers sal vanaf 08:30 afslaan.

Kostes beloop R1 000 per vier-bal en besprekings kan by die Pro-Shop by die buiteklub gedoen word.

Kontak hulle by 013 243 4863 of Kobus 083 388 4368 of Desmond 083 628 6763 vir navrae.