Agterop sy baadjie het sy pa, Hendrik Etsebeth, se geboorte en doodsdatum gestaan en ook die woorde: “ek gaan pappa mis.”

‘n Groot groep motorfietsryers het vanmiddag afskeid geneem van mnr. Etsebeth.

Hy het Saterdagmiddag gesterf in ‘n motorfietsongeluk in Walter Sisulustraat.

Die motorfietsryers het byeen gekom by Mcdonalds, vanwaar hulle in ‘n konvooi van daar af tot by die kapel by die begraafplaas gery het.

Daar het hulle hul motorfietse weerskante van die pad getrek om ‘n erewag te vorm.

Terwyl die kis tussen die motorfietse deur gedra is, met Frikkie en sy ma, Christene wat voor loop, het die motorfietsryers hul motorfietse se revolusies opgejaag.

* Weens die groot hoeveelheid mense by die roudiens, moes van die mense van buite af deur die kapel se vensters na die boodskap luister.