“Kom ons kyk hoe ons hierdie dorp deur middel van Jesus se Gees kan versterk en een van die beste dorpe in Suid-Afrika word.”

So sê die organiseerder, Barries Barnard, van ’n lofprysingsaand Saterdag in die banketsaal op Middelburg.

Die dorp is die laaste tyd in die skande gesteek met bloedige gevegte wat internasionaal opslae gemaak het, twee moorde en drie selfmoorde. Boonop het Middelburg een van die hoogste egskeidingsyfers in die land.

Maar nou het Barnard, ’n bekende oudrugbyspeler en gholfspeler sy hart vir die Here gegee en bied hy saam met verskeie ander mense Step into Faith, Saterdagaand aan.

Hy versoek veral al sy oud drinkerbroers om na sy getuienis te kom luister.

Die aand is gratis en oor kerkgrense heen.