News

VIDEO: ‘n Blomtuin vir Jan-Hendrik se ouma

Die Hervormde Kerk Noord-gemeente is vanoggend in ’n blomtuin verander, waar die wêreldbekende sjef, Jan van der Westhuizen, se ouma begrawe is.

September 18, 2018

Daleen Naudè 1 minute read

Me. Hessie van der Westhuizen by die geraamde afdruk van haar ma, Hessie Ferreira, toe sy net 18 jaar oud was. Die oorspronklike foto hand in die restaurant, Maria, wat na ouma Hessie vernoem is.

’n Plaat blomme het begrafnisgangers begroet.

91 potte blomme vir sy geliefde ouma Hessie.

Die besondere see van blomme wat almal voor in die kerk gesien het by die roudiens van ouma Hessie Ferreira.

Jan-Hendrik het vanoggend die bloemiste gehelp om 91 potte blomme te vul – 91 potte omdat sy ouma 91 jaar oud was.

Me. Marita Hattingh, van Azalea Bloemiste, sê hulle het begin om die potte vol te maak, maar Jan-Hendrik wou hê dit moes so natuurlik as moontlik wees.
In die kort onderhoud vertel sy as gesoute bloemis hoe sy en haar span vanoggend by wêreldbekende restauranteur, Jan-Hendrik, geleer het hoe om die blomme in die potte te druk.

Al die tipes blomme waaraan jy kon dink is in die verskillende potte ingesit.

Jan-Hendrik is die kleinseun van Me. Ferreira en het al die pad van Frankryk af gekom om die begrafnis by te woon.

Voor in die portaal van die kerk, tussen bosse ander blomme, is dieselfde replika van die foto van sy ouma op 18-jarige ouderdom, wat in sy tweede restaurant, ‘Maria’ (ouma Hessie se regte naam) hang.

•Ouma Hessie was verlede jaar in Frankryk toe dié restaurant geopen is.