News

Boere moedeloos gesteel

Boere word reg oor die land moedeloos besteel.

April 17, 2019

Jana Boshoff 2 minutes read

Veediewe het laas week daarin geslaag om beeste, van meer as ’n half miljoen rand, op een slag by ’n boer in die Hendrina omgewing te steel.

Daar is op 3 April ook 105 droeë Afrikaner kruis koeie by Chris Kruger, wat in die Potchefstroom omgewing boer, gesteel.Mnr. Kruger sê dat dit ook daar gereën het tydens die diefstal. Toe hulle die volgende oggend tel, was die beeste weg en daar was geen spoor van waarheen hulle gegaan het nie.

Lees ook: Kaptein Booyse die kroek

Dit blyk ook asof veediewe die beeste uitgesoek het omdat daar uit ’n trop van meer as 300 vroulike diere en 212 kalwers nie een kalf is wat na die diefstal ma soek nie.

Mnr. Kruger sê dat die plaas aan drie kante met wildsheining omhein is en dat ’n kloof langs die vierde kant loop. Daar kon nêrens ’n teken of spore gekry word wat aandui wat van die groot trop beeste geword het nie.

Lees ook: Waarskuwing aan boere: Pas julle vee op hierdie feesseisoen

Mnr. Kruger sê dat die verlies aan diere ’n geskatte R1,2 miljoen beloop en dat hy daar by ’n jaarlikse inkomste van sowat ’n half miljoen aan speenkalwers verloor.
“Ek is klaar geboer. Australië lyk nie meer so ver nie. Ek gaan alles verkoop, terwyl daar nog iets is.”

Hy sê dat hierdie diefstal beslis nie deur ‘pot-slagters’ gepleeg is nie maar duidelik wys dat georganiseerde misdaad betrokke is.

“Ons bly glo dat dinge sal verander, dat dit gaan beter word, maar daar is niks wat daarop aandui dat dit gaan nie. Ek weet nog nie wat ek gaan doen nie, maar ek gaan beslis nie verder boer nie.”