Padslagting: Saak teen beskuldigde van rol geskrap weens uitstaande bloedtoetse
Die man wat daarvan beskuldig word dat hy in Maart vanjaar vir ’n verkeersman wat hom agterna gesit het weggejaag, en toe ’n voetganger se dood veroorsaak het, het vry uit die hof gestap nadat die saak van die rol geskrap is.
Khumbulani Malinga is vir strafbare manslag, dronkbestuur, verset teen arrestasie en die poging om ’n ongelukstoneel te verlaat, aangekla.
Die saak is finaal vir ondersoek uitgestel.
Lees ook: BREAKING NEWS: Female pedestrian sustains life-threatening injuries in high-speed police chase
Me. Lizel Visagie is kort nadat sy na bewering deur Malinga se BMW by McDonald’s getref is, oorlede.
Een van haar bene is in die impak met die kar afgeruk.
Lees ook: UPDATE: Victim in high speed police chase passes away
Sy kon haar 15-jarige dogter Ceriza net betyds uit die pad stamp voordat sy getref is.
Haar ma, Marie, was teenwoordig in die hof waar die aanklaer vir verdere ondersoek uitstel gevra het omdat Malinga se bloed/alkohol toetse nie beskikbaar was nie.
Die saak is egter voorlopig van die rol geskrap waarna daar aan Malinga gesê is “jy’s vry om te gaan”.
Lees meer oor Lizel Visagie:
First responders refute eyewitness claims of extent of injury
Vrou sterf as held nadat sy dogter uit pad stamp
Vrou pleit vir gordel op grutoneel
