Daar is hierdie week minstens vier hekmotordiefstalle in Gholfsig en Clubville aangemeld en een inbraak by ’n huis waar daar huisware ter waarde van derduisende rande gesteel is.

Twee honde is ook Dinsdag om en by 12:00 vergiftig in Totiusstraat.

Daar is verneem dat een veiligheidsgroep tans voelers uitsteek oor die moontlikheid om onder streng voorwaardes en met ’n amptelike reëling by die polisie, weer patrollie te ry.

Kapt. Khanyisile Zwane, polisie woordvoerder, sê dat hulle wag vir die regering se vlak 3 wetgewing, voordat hulle toegewings kan maak.

•Verskeie haweloses en dwelmverslaafdes het die perseel waar hulle versorg is verlaat en staan weer op straathoeke en bedel.