Minister van Onderwys, Angie Motshekga, het verlede week aangekondig dat die terugkeer vir ander Grade op 6 Julie en 3 Augustus sal plaasvind. Sy het egter in ’n aanpassing op die wet, wat Maandag gepubliseer is, gelas dat skole mag afwyk van die voorgeskrewe datums mits hulle aan sekere vereistes voldoen.

Dit sluit in: 

• Om aan die minimum standaarde vir gesonheids-, veiligheid- en sosiale distansiëringsvereistes rakende Covid-19 te voldoen.

• Om aansoek te doen by die provinsiale Department van Onderwys vir toestemming.

Een plaaslike laerskool het reeds begin met konsultasie deur ’n vraelys aan ouers te stuur om te bepaal of hulle te vinde is om hul kinders vroeër skool toe te stuur.