Nuus dat lisensies nou by poskantore hernieu kan word het talle Middelburgers na die plaaslike poskantoor laat stroom, net om daar weggewys te word. Om alles te kroon is die munisipale lisensiekantore onbepaald gesluit, nadat ’n gebarste pyp waterskade aan die gebou en elektronika aangerig het.

Johan Kruger, woordvoerder vir die Poskantoor, sê dat hulle tans in onderhandelinge is met die Mpumalanga Departement van Vervoer om die diens ook hier aan te bied. Hy sê dat die lisensie-hernuwingsdiens tans in al die provinsies behalwe Mpumalanga en die Wes-Kaap beskikbaar is.

“Ons vra omverskoning vir die misverstand en hoop om binnekort goeie nuus te hê vir die provinsie waar die son opkom,” het mnr. Kruger gesê.