Die boodskap waarsku dat ’n windspoed van tussen 30km tot 90km verwag kan word wat huise, motors en ander eiendom kan verwoes.
Daar is gewaarsku dat veral Johannesburg swaar getref sal word met moontlike vloede.

Daar word voorts gesê dat “klasse opgehef is” en dat inwoners nie na-uurse werk moet doen nie maar huistoe gaan en hul eiendomme vir die storm voorberei.

Die Suid-Afrikaanse weerdiens het egter gesê dat hoewel die koue sal voortduur, is temperature beduidend hoër in Gauteng en Mpumalanga van vandag af.
Dinsdag was die land se koudste dag in bykans ’n dekade met temperature van net 11 grade bedags op die hoëveld.

Die SA weerdiens se voorskatting vir temperature die naweek is dat die kwik aanhoudend gaan styg en dat gesinne maar Sondag die braaivleisvure vir Vadersdag kan aansteek.

Storm Dineo het die Mosambiekse kus in Februarie 2017 getref en verwoesting gesaai.