Dit is die soveelste gewapende huisroof in dié straat.

Volgens a/o Stanley Magaela, het sewe verdagte mans, wie se gesigte bedek was, ’n veiligheidshek oopgebreek en by die perseel ingegaan.

In die huis bly vier mans, wat kamers op die perseel huur.

Die booswigte het die deure van al die vertrekke oopgebreek en vuurwapens op al die persone in die huis gerig. Daarna is die huurders met kabelbinders vasgebind en geblinddoek met klere.

Die rowers het verder aangedring op kontant en selfone.

Vyf van die verdagtes was gewapen met handwapens.

Die rowers kon daarin slaag om met ’n onbekende bedrag kontant en ses selfone van die toneel te vlug.