As die eerste indruk iets beteken dan laat die Steve Tshwete Munisipaliteit ’n swak indruk op toeriste en besoekers wat die Loskopvallei besoek of van daar af terugkeer.

Verskeie motoriste en inwoners het hulle misnoë gedeel oor die slaggate wat een van Middelburg se besigste roetes ontsier.
Die probleem duur egter al vir vele jare voort.

Die N11 verbrokkel aan beide kante tussen die Proteakruising en die Dennesig afdraai wat na Harry Gwalastraat loop.

“Dis verblydend om te sien dat residensiële strate soos Springbok- en Buller herstel is na die staking, maar hoekom nie die ingang na ons mooie dorp, en die poort na ons toerisme-oorde nie?” het een inwoner gesê.

• ’n Navraag is aan die Steve Tshwete Munisipaliteit gerig maar geen terugvoer is teen tyd van publikasie ontvang nie.